Årets gjennomføring av trenar 3 er allereie godt i gang, og frå 31. oktober til 2. november var trenarutviklar Jon Grydeland saman med åtte av deltakarane samla på ToppVolley Norge (TVN).
Ei praktisk helg sto på programmet, der deltakarane fekk øve på feltet som trenarar både i volleyball og sandvolleyball – med utøvarar frå TVN som bidrog på øktene. Laurdag kveld fekk kandidatane god tid til fagleg diskusjon og refleksjon saman med TVN sine trenarar.
Neste aktivitet i årets gjennomføring er ei digital samling over jul. Gjennom utdanninga jobbar deltakarane med sine individuelle prosjekt, tilpassa sin kvardag som trenarar.
NVBF ønskjer å rette ein stor takk til ToppVolley Norge for vertskapet denne helga, og for all hjelp med tilrettelegging, både frå trenarar og utøvarar. Nytt internat på Rygjatun, og nytt golv i Suldalshallen – fasilitetane er strålande for alle som er interessert i idrettane våre.
Dersom ein som trenar skulle ønskje å besøke TVN for inspirasjon, så er dørene alltid opne. Kontaktinformasjon finn du på www.toppvolley.no.
