Foto: Eivind Pettersen Vinnar av M50: Spirit Lørenskog
NM Veteran og livslang volleyballglede i Bergen.
25 lag i seks forskjellige klassar deltok denne helga i NM Veteran i Bergen. Sjølv om deltakarane møtte eit noko kaldt sommarver, var det varm mottaking i hallen av arrangør og motstanderlag. Under volleyballkampane var ein motstandarar, men både før og etter kampen var gleda stor over å møte igjen dei ein har spelt mot, spelt med, dei ein har trent eller blitt trent av, eller dei ein rett og slett berre har vert saman med som volleyballpappa/mamma.
TIF Viking var arrangør og inviterte til sin flotte, nye Åsane Arena, og deltakarane kunne vandre gjennom klatrehall, ishockeyhall, turnhall og ein idrettshall med 9 volleyballbaner og 12 meter takhøgde. Det vart gjennomført puljekampar og sluttspel fredag og laurdag, der ein avslutta det heile med ein bankett. På banketten mottok vinnarane medalje i kvar klasse, i tillegg til at det vart delt ut 5 år, 10 år, 15 år og 25 årsmerker for deltaking på NM Veteran. Det er rett og slett imponerande å sjå alle desse utøvarane som har livslang volleyballglede.
Vi gratulerer noregsmeisterane 2022!
K40: Beachlaget
K30: Oslo Volley
M50: Spirit Lørenskog
M30: TIF Viking young Guns
Det vart også kåra MVP i kvar klasse:
K40: Eydis Dalen – Beachlaget
K30: Mari Berget – Oslo Volley
M50: Joar Fornes – Spirit Lørenskog
M30: Jon Erlend Haukås – TIF Viking young Guns
Kampoppsett, resultater og heile resultatlista ligger i Profixio.